Friday, March 24, 2023
Latest:

Mana Bangaru Telangana

No1 News Portal of Telangana

jagan-mohan-reddy
ఆంధ్రప్రదేశ్ 

జగన్ ఢిల్లీ పర్యటన ఖరారు.. బెయిల్ రద్దు పిటిషన్‌ కోసమేనా?

Mana Bangaru Telangana 13,978 Comments

ఏపీ సీఎం జగన్ గురువారం ఢిల్లీ పర్యటనకు వెళ్లనున్నారు. కేంద్ర హోంమంత్రి అమిత్ షా అపాయింట్ మెంట్ ఖరారైందని సమాచారం. హోంమంత్రితో పాటు మరికొంతమంది కేంద్ర మంత్రుల అపాయింట్ మెంట్స్ కోసం ప్రయత్నాలు చేస్తున్నట్టు తెలుస్తోంది. ఢిల్లీలోనే మకాం వేసిన వైసీపీ ఎంపీలు.. రక్షణ, ఆర్థిక శాఖ మంత్రుల అపాయింట్ మెంట్ల కోసం ప్రయత్నాలు చేస్తున్నారు. ఇక రఘురామకృష్ణరాజు వ్యవహరం, బెయిల్ రద్దు పిటిషన్ నేపథ్యంలో సీఎం హస్తిన పర్యటనకు మరింత ప్రాధాన్యత సంతరించుకుంది.

గత కొన్ని రోజులుగా రోజుకొక లేఖతో వైసీపీ వర్గాలకు ముచ్చెమటలు పట్టిస్తున్నారు రఘురామ. పలువురు ఎంపీలు, ముఖ్యమంత్రులు, గవర్నర్లకు తనపై థర్డ్ డిగ్రీ జరిగిందంటూ ఇప్పటికే లేఖలు రాసిన రఘురామకృష్ణ.. రాజద్రోహం సెక్షన్ ప్రయోగంపై ధ్వజమెత్తతున్నారు. ఈ నేపథ్యంలో కేంద్ర మంత్రులను కలసి ఏపీ ప్రభుత్వ వైఖరిని వివరించే యోచనలో ఏపీ సీఎం, ఎంపీలు ఉన్నట్టు తెలుస్తోంది. సోమవారం ఢిల్లీ పర్యటన ఉన్నప్పటికీ చివరి నిమిషంలో వాయిదా పడింది. అయితే హస్తిన స్థాయిలో జరిగిన సంప్రదింపులతో బుధవారానికి ఖరారైంది. సీఎం జగన్ పర్యటన పూర్తి వివరాలు నేటి సాయంత్రానికి తెలిసే అవకాశం ఉంది. 

You May Also Like

CBI-probe-into-YS-Viveka-murder-case

వైఎస్ వివేకా హత్య కేసులో మూడో రోజు సీబీఐ విచారణ

Mana Bangaru Telangana 9,771
AP-Development-Vision-2030

ఏపీ అభివృద్ధి విజన్ @ 2030

Mana Bangaru Telangana 11,175
Cm-Ys-Jagan-Says-Good-News-To-People-1623123049-1409

ఏపీలోని 3.7లక్షల మందికి రూ.10వేలు బ్యాంకులో పడతాయి

Mana Bangaru Telangana 11,813

13,978 thoughts on “జగన్ ఢిల్లీ పర్యటన ఖరారు.. బెయిల్ రద్దు పిటిషన్‌ కోసమేనా?”